طريقة عمل السمساك
السمساك اكله معروفه عند الأرمن واللي بيعملوها بلختوم khutum يعني قبل بيوم من عيد الغطاس واللي هي عجينه وفوقا لحمه مفرومه و...موديلا متل عش البلبل بس هي مقليييه وفي كمان نوع من السمساك بيعملوها من نفس العجينه بس بحشوها لحمة مفرومه مقلييه مع رز مطبوخ واللي نحن بنقلا kuzuitchi بس هديك بنعملا متل السميوسه موديلا نص دائري ومقفول طبعا بعد ما نحشيه بنقفله والمشهور هو هاد النوع وبيعملوها أرمن كلس هنن اللي مشهورين فيها
هلق بدي اعطيكن طريقة العجينه وهل العجينه بتحسنو تعملوها لكل انواع السمبوسه بلجبنه بلحمه حتى بلخضار وحتى كمان احشوها جوز وقرفه واقلوها وبعدين رشو عليها سكر بودره
مقادير العجينه السمبوسه
٣ كاسات طحين
نص كاسة زيت مازولا
ملعقتين نشا او طحين الرز
ملعقتين حليب بودره
رشة ملح
رشة سكر
كاسة مي مغلييه
الطريقه بنحط كل النواشف مع بعضها وبعدين بنضيف الزيت وبنعجن واخر شي بنضيف المي المغليه ونكمل عجن وبعدين بنريح العجين نص ساعه وبنباشر شغل
طريقة اللحمه بنحط لكل كيلو لحمه كباب يعني لحمة مو مدهنه ابدا بهار وملح وبيضه وملعقة كبيره او اكتر طحين
بنعجن اللحمه مع كل التوابل والبيض والطحين ونفتح العجينه ونقطعه دوائر ونمد اللحمه ونحمي الزيت ونقليها اول من طرف اللحمه بعدين بنقليها من طرف العجين
الأربعاء أكتوبر 31, 2018 2:32 pm من طرف farawela
اليومية
