فطير بالجبنه من بواقى الرقاق المكسر
المكونات
بواقى رقاق مكسر
سمنة سايحة
جبنه رومى او على حسب الرغبه
طريقة التحضير
جبت طاسة تيفال وبعدين غيرت رأىى وجبت الشوايه ودة لإن الرقاق كان على شكل مستطيل
ودهنتها سمنة سايحة
وابتديت أبل الرقاق بمية من الحنفية
وأرص الرقاق المكسر بس خليت اللى حالته كويسة شويه فى قعر الشواية
وبعدين دهنته سمنه
لحد أما وصلت لنص الكمية
حطيت جبنه رومى
وكملت رص الرقاق
لمكسر جامد خليته فى النصف بعد ما حطيت الجبنة الرومى
كل حته أرصها أبلها الأول بالمية وأدهنها بالسمن
لحد أما خلصت الكميه كدة
بعدين بليت الرقاق اللى عالوش كويس بالمية ودهنت حبة سمنة حلوين وركنت الصينية شويه حوالى نصف ساعة كدة
على نار هادية خالص حطيت الشوايه عالنار وغطيتها
ولما احمرت الفطيرة من تحت قلبتها عالوش التانى ورشيت عالوش شوية ميه
صغيرين وغطيتها تانى لحد أما احمرت من الناحية التانية قلبتها مرة تانية وبرضه رشيت شويه ميه صغيرين عالوش وقلبتها مرة تانية عشان كنت عايزاها تحمر شويه كمان من الناحية التانيه
وطبعا رشة الميه دى خلت الفطيرة طريه
وبعدين قطعتها وبالف هنا
الأربعاء أكتوبر 31, 2018 2:32 pm من طرف farawela
اليومية
