ملف كامل عن الكبة وأنواعها

Admin عدد المساهمات : 4080 تاريخ التسجيل : 07/04/2013

ملف كامل عن الكبة وأنواعها

المكونات
1-واحد كيلو هبرة وبالصورة نحن من عملها نصف كيلو هبرة دجاج
مع نصف كيلو هبرة بقر (حسب الرغبة)
2-6 كاسات برغل خصوصي للكبة
3-حبتين بصل متوسطة الحجم
4-ملح حسب الرغبة -رشة فلفل صغيرة
5-ماء بارد (يفضل مثلج)
الحشوة:
كيلو بصل- كيلو لحمة مفروم-ملح زيت نباتي للتلفيح
نقوم بتشويح البصل بالزيت النباتي ثم نضيف اللحمة والملح
ونقوم بتقليبها حتى تستوي وتصبح جاهزة
من المهم وضعها في مصفاة حتى نتخلص من الزيت الزائد فيها
نضيف لها الصنوبر المحمص وبعض الجوز المقطع وتصبح جاهزة
دهنة مضاف اليها فلفل أحمر حلو وفلفل أسود
ملاحظة هااامة
خففو من البهارات المستخدمة بعمل الكبة
حتى تتذوقو طعم الكبة الأصلية
يعني لوكان اللحم طازج ونوعيته مميزة
والبرغل أيضاً ما في داعي لإضافة بهارات وتوابل على عجينة الكبة
لأنها كلها تؤثر على الطعم الأصلي وتعطينا طعم آخر ....نصيحة فقط ...
الطريقة:
نضع البرغل مع الهبرة والبصل والملح والماء في وعاء واسع .
ملاحظة صغيرة نصب الماء على دفعات وفي كل مرة
نفرم فيها الكبة على الماكينة نحتاج الى القليل من الماء
كي يصبح التعامل مع الكبة أسهل
ولكن كونو حذرين لما تكترو مي وتخرب العجينة يضاف الماء
حتى تصبح لينة وسهل التعامل معها
وقد تحتاج الى فرم من 5 الى 7 مرات حتى تصبح جاهزة لعمل الكبة

المكونات أصبحت جاهزة ,والآن إلى الخطوة التالية .
.فرم الكبة على ماكينة الكبة ولاااااا ينفع الخلاط ارجو الانتباه.

ومتل ما حكيت من قبل الكبة بحاجة الى الفرم مرات عديدة
حتى تصبح لينة وناعمة مو متل كبة المطاعم خشنة ومبرغلة لأنهم ما بيفرموها متلنا
المهم بنبلش نعمل الكبة العادية المعروفة مع اضافة الماء
على اليدين باستمرار ليسهل عمل الكبة
متل هالشكل

بتبين معنا كيف طريقة المسك وعمل الكبة ,
نضع فيها اللحمة الملفحة مع البصل واذا حبيتو شوية دهنة
أطيب وألذ
وبالصورة في كم شكل للكبة
وبتناسب جميع الأعمار والأذواق
طبعا الكبارية الشيوخ بفضلو الكبة الكبيرة
والبنات بفضلو الكبة الصغيرة
كلو بينفع المهم كبة

وعدنا أكيد نوع تاني من الكبة اللي
هو الكبة باللبنية و الكبة بالكشك
وهي بتكون حجمها أصغر ونضع فيها الدهنة أو اللحمة
حسب الرغبة وهي صارت جاهزة
(شوفوعلى جنبها كيف بكون شكل الدهنة لتكون جاهزة للحشو)

هاي صار دور المطبقات أو الكبة المشوية
وطريقتها بنعمل كرات وبنكبس عليها بصحن وهيك بتطلع معنا
طبقة من المطبقة وبنعمل الباقي بنفس الطريقة ونضع فيها الدهنة مع قليل من اللحمة
ونقليها او نشويهاوهي المطبقات صارت جاهزة كمان

القلي
قلي الكبة يجب أن يكون الغاز بأعلى درجاته وقت بيحمى الزيت
نضع الكبة وما بتاخد وقت بس تستوي من برا لأنو اللحمة ملفحة وجاهزة
ولا ننسى التقليب المستمر لها حتى لا تحمر جنب أكتر من التاني
أما المطبقات نخفض من حرارة الغاز حتى تدوب الدهنة
على مهل وما تحترق من برا وتضل الدهنة على حالها من جوا
النتيجة

مطبقات مقلية

بالنسبة للمطبقات المشوية نضع مع الحشوة القليل من دبس الرمان
بيعطيها طعم مميز جداً
بالنسبة للكبة بلبنية وبالكشك
نقوم بسلقها بماء مغلي مضاف له القليل من النشاء ورشة ملح
(مثلا ليترين ماء مضاف له ملعقة طعام نشاء ورشة ملح )
نسلقها وتصبح جاهزة نقوم بتفريزها عندما تبرد أو نضعها باللبن أو الكشك
الكبة بالكشك
(سبق وأدرجت معجنات بالكشك وتعريف ما هو الكشك )
نحضر الكشك المكون من :
ماء بارد يُضاف له كشك ويحرك حتى يذوب(كل كأس كشك يقابله من أربع إلى خمس كاسات ماء) ,يوضع على النار وعندما يغلي نضيف ثوم مهروس ونتركه يغلي قليلاً ثم نضيف حبات الكبة ويتم تسخينها ثم نسكبها في صحن التقديم مع رشة نعناع يابس على لوجه

الكبة بلبنية
دائما ما يرافق الكبة بلبنية الششبرك (بالحوراني نسميها اذان الشايب)
وهو معروف (طحين وملح وماء يتكون لدينا عجينة نعمل منها حبات الششبرك
ونقوم بحشوها بنفس حشوة الكبة من غير المكسرات )
الششبرك بشكلين معروفين لدى الجميع

بعد السلق بالماء والنشاء مثل الكبة تمااام

نحضر اللبن ونضيف له كأس صغير كأس صغير أرز مصري مسلوق
وهذا سر الطعم الرااائع الذي تتميز به الكبة بلبنية في بلدنا الغالي
نضيف الكبة والششبرك المسلوقين سابقاً وننتظر حتى يغلي اللبن
مع الكبة والششبرك وبتكون الكبة باللبنية والششبرك جااهزين
واذا بتحبي فيكي تعملي الكبه والشيش برك
تغلي كل منهم لحالها

الكبة بالصينية
ندهن صينية شوي بالسمنة العربي ونفرد عجين الكبة عليها
بفرد قطع صغيرة وجعلها متساوية من حيث الإرتفاع
نفرد الحشوة المجهزة للكبة ونغطيها بعجين الكبة من جديد
ونقوم بالضغط عليها وجعل سطحها مستوي ولا ننسى بل أيدينا بالماء البارد
نقوم بتقطيعها وتزيينها بالمكسرات وندهن وجهها بالسمنة العربي أيضاً

نشويها بفرن حامي إلى أن تحمر أطراف الصينية
نشغل الشواية لياخد الوجه اللون المطلوب وبتكون جاهزة

وهاذ نوع من الكبه على الطريقه الحلبيه

مناخد دويرة من العجينة ومنكعبلها
منحط حبة جوز كبيرة او فستق حلبي او صنوبر حسب الرغبة
منصفهن بالصينية بهالشكل
وبتعبيها سمنة عالوش
وعالفرن فوراااااااااا وطبعا عينك عليها دايما
لحد ما تطلع من الفرن
[size=32][/size]

» ملف كامل عن الكبة العراقية
» ملف الكبة
» ملف الكبة 2
» الكبة بالصينية
» الكبة النية