مخبوزات متنوعة 1

Admin عدد المساهمات : 4080 تاريخ التسجيل : 07/04/2013

رولات الجبن

الكمية تكفى 32 رول

1/4 كجم كريمة بالقشطة (كريم تشيز) و ممكن استبدالها بجبنة فيتا
و معاها 3 ملاعق كبيرة كريمة لبانى
8 شرائح بسطرمة مفرومة
1/3 كوب جبن رومى مبشور
(ممكن جبنة شيدر )
بصلة متوسطة مبشورة ناعم
حزمة بقدونس صغيرة مفرومة ناعم
معلقة حليب

نصف كيلو عجينة بف بيسترى

الطريقة

اخلطى المكونات جيدا
سخنى الفرن و ابدأى افردى العجينة

افردى الحشوة على العجينة و قطعيها طوليا بقطاعة البيتزا
(او بالسكينة ان لم توجد)

و لفيها رولات

اخبزيها لمدة 15 دقيقة

لخبز الحلو

300 جرام دقيق
2 معلقة كبيرة سكر
معلقة لبن بودرة
2 معلقة صغيرة خميرة فورية

بيضة

3 معالق حليب

رشة ملح

معلقة كبرية زبدة طرية

التزين (اختيارى)
حبة البركة
سمسم
لوز شرائح (مش ضرورى اوى دى زينة مش اكتر)

الطريقة

اخلطى الدقيق و الخميرة و السكر و اللبن البودرة كويس جدا

ثم اضيفى الزبدة و رشة الملح
و اعجينى لغاية لما تبقى العجينة مطاطية
و كوريها كورة كبيرة و غلفيها بالسوليفان كويس و خليها تخمر لمدة ساعة

بعد لما تخمر قسميها كور متساوية
و رصيها فى صينية مدهونة و مرشوة بالدقيقة كويس
رصيها زى الصورة كده ملاصقين لبعض

اتركيها مغطاة جيدا لمدة ساعة تانية
و بعدين ادهنيها بخليط البيضة مع ال 3 معالق لبن و زينيها بالسمسم - حبة البركة

اخبزيها فى فرن سابق التسخين

لمدة 15 دقيقة

خبز الزبيب و القرفة

ممتاز للإفطار و العشاء و فى المدرسة مع الأولاد

3 و نصف كوب دقيق (ممكن تستعملى منهم كوب دقيق كامل)
4 معالق صغيرة سكر
1 1/4 معلقة صغيرة ملح
2 معلقة صغيرة خميرة فورية
بيضة
3 معالق زبدة
1/2 كوب لبن رايب و ممكن حليب كامل الدسم بدلا منه
3/4 كوب ماء فاتر
2 معلقة صغيرة قرفة بودرة
نصف كوب عين جمل مجروش خشن
3/4 كوب زبيب (ممكن يكونوا كوب لو حبيتى)

للتزين
ربع كوب سكر
2 ملعقة قرفة بودرة

الطريقة

امزجى المكونات الجافة مع بعض
(الدقيق - السكر - القرفة - الخميرة- الملح)

امزجى البيض و الزبدة و اللبن الرايب او الحليب الكامل الدسم و قلبى كويس و اعجنى لغاية لما تتجانس العجينة

افضلى اعجنى لغاية لما تبقى مطاطية
حطى العين جمل و الزبيب عليها
و اعجنيهم معاها

حطيها فى بولة مدهونة و غطيها كويس عشان تخمر
لمدة ساعة او ساعةو نصف

لما العجينة تخمر
رشى دقيق على السطح اللى بتشتغلى عليه
اقسمى العجينة نصفين
و افرديهم بالنشابة (الشوبك)
قسمين متساوين
افرشى على وش النصف الأول معظم خليط السكر و القرفة بتوع التزين
و سيبى معلقتين عشان الآخر

افردى فوقها النصف التانى من العجينة و لفيها كأنها سويسرول

هاتى معلقة زيت نباتى و امسحى بايديك على العجينة من برة
و غطيها بالسولفان كويس
سبيها تخمر تانى ساعة

سخنى الفرن 10 دقائق

حضرى صينية عليها ورقة زبدة او مدهونة و مرشوشة دقيق
حطى الرغيف عليها
و اخبزيها فى حرارة 180
لمدة 20 دقيقة
و بعدين افتحى الفرن و اقلبى الصينية عشان السوى
يكون واحد لمدة 30 دقيقة تانين

اول لما تتخبز طلعيها و هى سخنة رشى عليها خليط السكر و القرفة

خبز الحلاوة و الشكولاتة

هو نوع من المخبوزات الغربية
ولا يحتوى عادة على الحلاوة الطحينية
ولكن أحد عشاق الخبز و هو من اصل
غربىاضاف الحلاوة الطحينية كلمحة عربية للوصفة
الإسم الأصلى لهذا الخبز
البابكا

الكمية تنتج رغيفين فى حجم التوست الكبير

ممكن تقسمى الكمية بالنصف لو حبيتى عشان تعملى رغيف واحد

6 اكواب دقيق
2 باكتة خميرة فورية
3/4 كوب سكر
3 بيض فى درجة حرارة الغرفة
1 1/3 كوب حليب دافىء
1/2 معلقة ملح
فانيليا
بشر ليمونة
14 معلقة زبدة فى درجة حرارة الغرفة

للتزين

بيضة مخفوقة

للحشو

1/2 كجم حلاوة طحينية مكسرة قطع
1/2 كجم شكولاتة مبشورة
1/2 كوب زبيب
كوب مكسرات محمصة تحميص خفيف (عشان تكون صحية)
يفضل عين جمل و ممكن اى حاجة حتى لو سودانى
و ممكن خليط

رشة قرفة (اختيارى لمحبى القرفة)

امزجى كل مكونات العجينة
اعجنيها كويس
حطيها فى بولة مدهونة و غطيها كويس اوييي بالسوليفان و سبيها فى التلاجة لمدة 5 او 6 ساعات

قسمى العجينة بعد كده لقسمين (رغيفين)

افردى النصفين بالنشابة
و افردى الحشوة بالتساوى على كل نصف

لفى كل نصف كأنه سويس رول
بالسكينة قطعى في كل رول تقطيع عرضى بدون ماتنزلى لآخر الرغيف يعنى كأنك بتقطعى سويس رول من غي ما تفصليه خالص عن الرول

شيلى كل رول و حطيه فى قالب توست مبطن بورق زبدة

غطيهم بفوطة نظيفة و حطيهم يخمروا فى مكان دافىء لمدة 45 دقيقة

سخنى الفرن
اهنى وجه الرغيفين بالبيضة المخفوقة

حطى القوالب تتخبز لمدة 45 دقيقة

طلعيها بعد كده تبرد على رف سلك

ملحوظة :
ممكن تحتفظى بأحد القوالب فى الفريزر لحين الإستخدام

خبز البطاطا الحلوة

1 كوب بطاطا حلوة مهروسة دافئة
2 كوب لبن رايب فى درجة حرارة الغرفة
بيضة فى درجة حرارة الغرفة
1/4 كوب زيت نباتى
3 ملاعق زبدة سايحة و بعدين سبيها فى درجة حرارة الغرفة تبرد
1/4 كوب سكر
2 بكتة خميرة فورية
2 و نصف معلقة صغيرة ملح
من 6 ل 7 اكواب دقيق

الطريقة

امزجى البطاطا المهروسة مع البيضة مع اللبن الرايب مع السكر مع الخميرة مع الزيت و الزبدة

اضيفى كوب واحد دقيق ثم قلبى
اضيفى الملح و قلبى جيدا
و اضيفى باقى الدقيق تدريجيا

رشى السطح اللى بتشتغلى عليه بالدقيق
و اعجينى العجينة لغاية لما تبقى متجانسة تماما
و شكليها على شكل كورة و غطيها بالسوليفان فى بولة مدهونة بالزيت
مع دهان وجه العجينة
و اتركيها تخمر لغاية ما يتضاعف حجمها فى مكان دافىء

بعد مايتضاعف حجمها قسميها قسمين و قسمى كل قسم 8 كور صغيرة

جهزى 2 صينية مفروشة بورق الزبدة

و شكلى العجينة لكور بالطريقة المبينة فى الصور ادناه

بعد كده غطيها لمدة 20 دقيقة قبل ماتخبزيهم
سخنى الفرن قبل الخبز ب 10 دقائق

قبل ماتدخليهم الفرن رشى عليهم رشة دقيق للزينة
و اخبزيهم لمدة 20 او 25 دقيقة مع قلب الصينية فى منتصف وقت الخبيز
عشان السوى يكون متساوى من كل الجهات

برديها بعد كده على رف سلك

و ممكن تحتفظى بيهم فى الفريزر

لو حبيتى تعيدى تسخينهم قبل التقديم غطيهم بالفويل كويس
و سخنيه 5 او 7 دقائق

اختبار تضاعف العجينة

» مخبوزات متنوعة 2
» مخبوزات تركية لا بد أن تجربيها!
» ور لفطريات متنوعة
» عصائر متنوعة
» صوان متنوعة