وقت التحضير: 5 دقائق
[*]
وقت الطهي: 30 دقيقة
[*]
المقادير: بطاطا حلوة ( الكمية على حسب عدد الأفراد)
زيت زيتون
ملح فلفل اسود
بودرة ثوم
فلفل حريف (لمحبي الحريف)
ممكن تستخدمي البهارات اللي انتي عاوزاها زي
روز ماري, زعتر , ريحان مجفف
على حسب الذوق
[*]
التحضير: قطعي البطاطا صوابع رفيعة زي ما بتقطعي البطاطس المحمرة بالضبط
حطيها في طبق وصبي عليها زيت الزيتون
ضيفي الملح والفلفل والبهارات و دوقيها عشان تظبطي طعم البهارات على حسب ذوقك
قلبيها كويس واحرصي ان البطاطا كلها تتغطى بالبهارات
هاتي صينية الخبز و رشي عليها رشة زيت وافرشي البطاطا متساوية
[*]
الطبخ: اخبزيها في الفرن 15 دقيقة
خرجيها من الفرن ورشي عليها رشة زيت كمان ورجعيها الفرن مدة 10- 15 دقيقة كمان
[*]
ملاحظات: مدة الطبخ ممكن تختلف من فرن للتاني
عشان كده بصي عليها كل 10 دقايق مثلا
اعملي اول مرة واحدة بطاطا بس عشان تدوقيها وبعد كدة حتعملي كل مرة مش اقل من كيلو :)
ممكن تضيفي رشة جبنة شيدر على الوش اول ما تطلعيها من الفرن
مناسبة جدا للي بيعملوا دايت لان البطاطا سعراتها اقل وفوايدها اكتر من البطاطس العادية
الأربعاء أكتوبر 31, 2018 2:32 pm من طرف farawela
اليومية
