الرز بالخضار

Admin عدد المساهمات : 4080 تاريخ التسجيل : 07/04/2013

الخضار مقطعة مكعبات صغيرة
"كوسة فلفل حلو ،بطاطس ، جزر "

الارز كوب واحد

البصل و الثوم شرائح ترا بس عشان البصل كان صغير ولا تراه مقطع طولي

الملح المقدرا حسب الرغبة + الفلفل الاسود نصف ملعقة صغيرة وكمان ممكن تزيدون بكفيكم+ بهارات كركم ،بهارات مشكلة ملعقة صغيرة

الخطوة الثانية :: نبدأ بالطبخ
نسخن المية حتى نسلق فيها الارز كوب ونص و نحط معاها الارز طبعا بنحط قطرات من الزيت عشان حبات الارز ما تلتصق ببعضها

نستنى يغلي الارز

بعدها نخفض الحرارة ونقفله زين حتى يتسبك
قبل لا تخلص مية الارز :: حطيت البهارات و الملح و الفلفل

و رجعت قفلته مرة ثانية وبعد 10 دقايق رجعت فصلت الارز بقطعة قصدير و حطيت كركم ع جزء واحد من الارز

وقفلته مرة ثانية وخليته حتى ينضج على راحته

نجي للخضار
شوحت البصل بقطرات من الزيت حتى مايلصق في القلاية
ما طولت بس حتى صار شوي ذهبي
أضفت البطاطس و الكوسة

قلبتهم شوي وبعدها اضفت شوية مية حتى نصف المقدار فقط

لما خلص جزء كبير من المية اضفت الثوم نصيحة منال العالم لا تضيفونه في البداية

و الحين نضيف نومي بصرة الاسود مطحون الكمية مثل ماتحبون

نضيف باقي الخضار الجزر الفلفل مااضفتهم في البداية لانه ما محتاجين طبخ كثيرمثل الكوسة و البطاطس ايضا حبيت احتفظ بلونهم قدر المستطاع

كمان اقفله حتى ماتخلص ميته ووقتها بيكون البطاطس والكوسة خلاص اخذوا كفايتهم.. و بعد ماتخلص المية نشيله من على النار

الخطوة الثالثة :: التحضير لتقديم الطبق

سويت فيه 3 اشكال::
الاول:

قسمت الزبدية لثلاث اقسام عمودية نظريا فقط و حطيت في النص الاول و الثالث رز ابيض و في النص الثاني اللي ف الوسط رز اصفر

فصار شكله عجيب

قلبته ع طبق التقديم

و بعد كم دقيقة شلت الزبدية
الثاني ::

خليت شوية خضار في الزبية

خلطت رز اصفر مع ابيض

و بعدين قلبته بنفس الطريقة

الثالث ::

حطيت طبقة افقية من الرز الابيض و بعدها طبقة اصفر وبعده ابيض

بعد ما قلبته على طبق التقديم .. حطيت معاه السلطة مثل باقي الاطباق

» مقلوية الرز بالخضار
» بيض بالخضار
» أرز بالخضار ????????
» أرز بالخضار
» خبز بالخضار