الكاليماري المقلي أو السبيط المقلي

الكاليماري المقلي
أو
السبيط المقلي
طريقه جميله جدا وسهله جدا جدا


الطريقة
* نقطع الكاليماري حلقات زي ما انتو شايفين ونتبله بملح وكمون وخل وليمون ونحطه في الثلاجه شويه لحد ما يشرب من طعم التتبيله " 2/1 ساعه علي الاقل " .


* نعمل خليط القلي وهو عبارة عن بيضه + ملعقة كبيره دقيق ( طحين ) + ملعقة كبيره نشا
وطبعا ممكن تزودي المقدار علي حسب الكميه .

* ويخلطوا جيدا بالمضرب اليدوي ( السلك ) أو بالشوكه .

* وبعد ما نسخن الزيت العميق نعمل اختبار للخليط السابق " ناخد نقطه منه ونحطها في الزيت لو عليت لفوق تبقي مظبوطه ولو ما عليتش حاولي تظبطي الكميات تاني " .
وبعدين حطي الكاليماري المتبل في الخليط وابتدي القلي باخذ واحده واحده علي الزيت .

وبعد القلي هيكون ده شكله 000

* ويقدم مع رز بالبصل المتحمر .

* وطبعا مش هننسي سلطة الطحينه .
" فصين ثوم عليهم الطحينه وشوية ماء بارد ويقلبوا لحد ما يوصلوا للسمك اللي انتي تحبيه وبعدين حطي عليها ملح وفلفل وخل وكمون وليمون وزيت زيتون وممكن تبشري معاها خيارة " .


وبكده يكون ده شكل غدانا النهاردة