ياللا بينا نسمى ونشمر ويا ريت بالمرة نحط مريلة مطبخ
وطبعا مش هوصيكم على التقييم
عايزة اشوف احلى واجب
اعذرونى على الكاليمارى الهفتان ده .. اللى كان موجود بئة اول حاجة هنشد الرأس من الجسم برفق
ونحاسب عشان كيس الحبر ما يتفتحش
تانى حاجة هنشتغل فى الراس
هنقطع من بعد العين بالظبط
والجزء اللى جوة ده بيكون كيس الحبر
انا شخصيا مش بستعمله
بستعمل الجزء ناحية الارجل بس
لكن فيه بلدان اخرى بيحبوه وبيدخلوه فى الصلصات بتاعته زى اخواننا اللبنانية والفرنسيين وغيرهم
جزء الارجل
هنلاحظ فى الصورة ان فى النص فيه جزء مدور صغير ده بيقولوا عليه المنقار
لازم يتشال
ندخل على تنظيف الجسم
هنلاحظ فى الصورة ان فيه حاجة زى شريط بلاستيك
ده يبقى دعامة لجسم الكاليمارى ولازم يتشال
بيتشد من فوق من طرفه
ولو طرفه مش باين ممكن تخدشى بسن السكينة مكان طرفه وتشديه بسهولة بيطلع زى ما هو مبين بالصورة العلوية .. والصورة اللى تحت الشريط بعد ما خرج وحطيته جنبه للتوضيح
السلخ
بتيجى من فوق وبتفصلى بين الجسم والجلد داير مايدور الطرف من فوق ولما اتمكن منه ابدأ اشده لاسفل الجسم لحد ما يطلع كله ببساطة
وبالنسبة للجناحات ممكن يفضل جزء من الجلد عليها
ممكن تكشطيها بحد السكين برفق
داخل الجسم بيكون فيه فضلات وزوائد بيضا زى الدهن
انتى حرة فحاجة من اتنين
يا بتقلبيه من جوة لبرة وتغسليها تحت الحنفية
يا تقطعيه حلقات وتنضفيه واحدة واحدة فى المية
سمك التقطيع شئ يرجعلك
انا بحب اقطعه بسمك نص بوصة
ونبتدى تغير عليه المية كذا مرة لحد ما تبقى رايقة
واخر مرة اعصرى عليه ليمون وسيبيه دقيقة ياخد زفارته
وصفيه
بعدين نشفيه على ورق مطبخ
كدة انا خصلت موضوع
اتمنى انى اكون قدمت شرح وافى
لو عجبك موضوعى لا تبخلى بالرد والتقييم
اخيرا استمتعى باحلى اطباق للكالامارى
موضوع لسة فريش
الكاليمارى المقرمش الرائع مع الليمون
الأربعاء أكتوبر 31, 2018 2:32 pm من طرف farawela
اليومية
